Auch hier noch schnell geloggt und TFTC gesagt.

Der Teich ist stets einen Besuch wert. ;)

Schöne ruhige Landschaft.

#1811#                                  15:32

ENDLICH URLOOB! Wie habsch mich droff gefreid! Sechs Dooche orleene mid mir, meim Beig un hoffndlich scheede Menge Deesl. Ich könnd durchdrehn vor Freide. Hab's abor och biddor needsch!

Dor vorledzde Tach meines Urloobs. Schon vorbei - so n Misd. Un dann noch Geburdstach... widdor n Goohr äldor, widdor boor Gelenge, die mehr weh dun, widdor bissl Schwung un Elan eigebiesd. Da missn's die Bixxln heide reißn!

Un fier diesn Tach hadsch mir das Großgambfgebied Galau ausgesuchd - da wolln mor doch ma sehn...

Galau Innenschdadt hadde ich nu weidesdgehnd abgegrasd. Die zwee Muldis haddn sich geschdräubd un mir damid schon nen herbn Diefschlaach in dor Schdimmung gegeem. Da hoffde ich, im Umland mehr Gligg zu hamm.

Nach einichn Badzorn war dies dann och der Fall un nu konnd sich der nächsdn Mammudoffgabe gewidmed wern - der Großräschn - Calau - Runde. Aus gegeemnen Anlass beschloss ich die Runde von hindn offturolln, war mir abor schon bei Andridd der Runde sischor, es aus zeiddeschnischn Griendn nich gombledd bis Großräschn zu schaffn. Naja, ich komm schah nägsd Goohr widdor, da will ich schah och noch was zu dun hamm.

Als wär die Gwälorei mid "Natur pur!" nich schon genuch gewesn, da flobbdn och noch die zwee Folchndn ("Großräschn-Calau #20" un dein "Blick auf..."). Was iss denn hior bloß los odor is heide echd ne mei Tach? Schlimm genuch, daßsch heide en Goohr äldor wer, nu verflüchdschn sich och noch die Dosn vor mir. Ich war gurz davor abzubrechn, umzugehrn un mir in dor erschdbesdn Gneibe de Kande zu geem.

Doch ich saachde mir "allor guddn Dinge sin drei" un wenn izze der Tonteich och nich offzufindn is, dann heer ich fier heide wirglich off!

Die Anfahrd war diesma rechd angenehm, es ging abor och noch abwärds in de Schweiz. Häd ich ma das Lisding gelesn un ma bissl iborleeschd, dann häd ich och gewussd, daß mor das och alles widdor noff muss. Un ich dachde immor, in Brandnbuirch isses immor flach.

Abor wie gesaachd, bis hiorher gings noch ganz angenehm. Vor ord bräsendiorde sich mir en herrliches Flaggl Nadur - wirglich sehr schigg un sehnswerd. Naja, zum Badn is der Deich wahrscheinlich nüschd mehr, abor das is mir diesgoohr in meim Urloob schon vielorordns offgefalln. In Brandbuirch baded mor eem nich, mor radld un genießd de Landschafd.

Bei den Goordinadn mussd ich dann doch en weng suchn, fand das Deesl dann abor doch noch. Allordings och hior widdor nur der miehde un frusdriornde Anbligg ennes schlaachd gepfleeschdn Gäschs. Logbuch is nass un vergammld. Manmanman Bukmop, langsam gewinnd mor echd den Eidrugg, du gäschsd ne mehr odor deine Dosn gehn dir eefach nur am Ar*** vorbei. Och an diesm Deesl wird widdorma dringend ne Wardung beneedschd! Ich hab mei Signum ma versuchd, deng abor es wird nich lange im Logbuch verweiln/zu sehn sein.

Besdn Dank, liebor Bukmop, fier's Leeschn der Bixx. Fier die Pfleesche kann ich och hior nich wirglich danken. Abor fier's Zeischn dieses scheen Flaggls dank ich dir off scheedn Fall!

Liem Gruß ausm fern Rußkams im scheen Saggsnland 

Dose schnell gefunden.
Aber Dose ist kaputt und benötigt eine Wartung