Die Schöpfung des Steinwaldes

Und hier den Text noch einmal in der Steinwälder Mundart:(Für Rechtschreifehler entschuldige ich mich jetzt schon, aber als Rheinländer war es sehr schwer, diesen Text zu schreiben) 

DIE SCHÖPFUNG DES STAWOLD´S 

Wöi uns Herrgott mit Bedacht vor langer Zeit die Wält haout g´macht,daou woas ganz anascht nu wöi heint: die Sunn haout nu vül wärma g´scheint.As Wassa woa nu häll und g´sund, aa d´Luft woa saawa uam und unt.Ka Fläckal Ean haout´s damals gem, dös waou niat nei woa und bequehm.Daou haout da Herrgott nu regiert und niat da Mensch, wöi´s heint passiert.Doch töi ma si um dös niat o, sunst schweif ma blaouß vom Thema o.Ich moi, sua schöi wöi d´ Wält is g´wen, sua wean mas kaam numal dalem.Da Hergott sälwa haout fürwoah saa Freid dra g´hatt wöis´ ferti woa.Haout nu a bißl korrigiert und d´ Erdachs gout mit Fätt aag´schmiert,daass niat sua quietscht, wenn sa si draaht,naou haout a Gros und Kläi ag´saat und Korn und Kraut und Supp´ngröi,daass Vöich und Leit niat hungern möin.Naou dera ganz´n Schufterei haout a si denkt: öitzt langt´s ma fei!As Himmelbett is aafdeckt gwen, er wollt si grod za Rouh begem,doch äih a si nu hileng traut, haout a nu amal oichig schautaaf die nei Welt –und siaht vull Schreck grad in da Mitt an weiß´n Fleck.Dös kann doch niat da Nordpol san!Vobei woa d´Rouh, im säl´n Moment haout a scha´s Fernglos in da Hend und ställt´s scharf aa, daou sieht as aa: dös mou ganz druam in Bayern saa!Öitzt haäit i doch, sagt er indessn, beinah an Stawold drunt vogäss´n.Doch dös laou a ma niat vowahn, dös mou as schöinste Fläckal wean.Er rouft glei alle Engl zamma und nimmt sie mit als Bau-Handlanga.Doi flöing schnäll oichi aaf die Wält und arwan wos as Zeich herhält.Die Berch, sua schafft da Herrgott, a doi soo´n niat z´haouch wean und niat z´klaUnd merkt´s eich oins, toits ma vor all´n die Fälls´n üwrall schoi votal´n.Ich ho sie alle nummeriert; und tumlt´s enk, daass aa wos gschiaht!Die Engel hom nu nie sua gschwitzt wöi damals, bis dös alles sitztUnd passt genau aaf jeden Zoll, weil´s ganz aakrat naou´n Plaan göih soll.Die oin hom scha zum Richtfest tanzt, die anan hom nu gsaat und pflanzt.Im Wold drinn wax´n breits die Schwamma und jedes Ding kröigt glei sein Nama.Die Blemla drunt´n aaf da Wies´n kröing alle ihran Plotz ag´wies´n,as Baachl laaft und plkätschat schöi. Da Stawold is ganz nei und gröi.Daou haout da Herrgott hoimli glacht: dös Laandl how i herrlich g´macht;Blaous oins feilt nu –und dös is wichti: a Mensch mou hea, gsund, stark und tüchti!Er nimmt an Knipl Hulz in d´Hend und loihnt nan an ra Fälswend,naou haout a sua lang ummagschnitzt bis daass a Waadla vor ihm sitzt;draaf haucht an nu a Söl in Lei und schnitz´n an nu a zünfti´s Wie.D Herrgott föihat alle zwoa zum Stawold hi und macht ´nan kloa:Dös alles waou ma öitza seahn, soll enka künft´ge Hoimat wean,gät´s acht aaf sie, sua wöi d´s kinnts weil d´s aaf da Wölt nix söinas find´s:und sollt amal wos B´sundas saa, naou kummt´s za mia, ich renk´s scha aa!Draaf haout a üwa´s Land sen schöint´n seanahiml gspanntUnd haout numal ganz selmisch g´lacht, naou haut a endli Fei´raoumd gmacht.Öitzt wißt´s genau: seit dera Zeit gi´ts unan Stawold und sei Leit.