Große Buche

#5671# 14:14

Es is widdor Wochnend un Olbornhau immor noch nich offgeräumd 😈 So gidd das nich! Also widdor mid Luzi ins Gäschmobil gehoggd un ab durch de Midde. Das Weddor war zwar raachd feuchd fröhlich un der Wind bfiff uns off dn Heehn ganz scheen um de Ohrn, abor och Glärchn kam hin un widdor ma durch - war also abwegslungsreich, och middn Dosn 😉

Nach unsror Offräumdour in Dörfl, besuchdn mir die Saigorhidd un absolwiordn dordn gemischd LÄB- un Muldischdadschonen un neembei och noch nen Müsdorie 😮 Dabei roochde mir der Kobb derords, dass ich's dann schon nichmehr hingegrischd hab, den Muldi in dor Saigorhidd risch zu berechnen un demnach och nich abzuholn 😡😟 Da hieß es erschdema bissl Abschdand gewinn un raus aus dor Ziwilisadschon! Enn ausgedehndn Marsch, der half, s Hirn widdor bissl freizublasn, fiehrde uns an dor Girch vorbei, zum Hexndanzbladz, wo mir erschdema ne Bause eileeschdn. Hior üborredede mich Luzu dann, mid den Gummiboddn an dn Fiss doch noch das kleene Schdiggl weidor zu den nägsdn zwee Dradis zu waggln 😡 Ich hield das für keene gudde Idee, wurde abor üborschdimmd 😟 Bis hiorher war es dann bassiord - Blasn an dn Fiss machdn sich bemergbor (abor off mich wolld schah keenor heern 😈) Ab izze durfde sich Luzi mei Geningl anheern! DAS had se nu davon! 😈 Abor wengsdns de Dosnsuche verlief wie geschmiord, denn das bemergnswerde Exemblor der Schbezies Fagus war nich zu üborsehn un nach nor gurzn Umrundung war das Deesl enddeggd 😁

Besdn Dank, liebor TIOlbernhau, für's Leeschn un Bfleeschn der Bixx un für's Zeischn dieses imbosandn Gewägses. Liem Gruß ausm fern Rußkams! 🙂