Wegpunkt-Suche: 

gesperrt

 
Rätselcache
Großvota oder Was Opa Andi noch wußte

von howc     Österreich > Oberösterreich > Linz-Wels

Achtung! Dieser Geocache ist „gesperrt“! Es befindet sich kein Behälter an den angegebenen (oder zu ermittelnden) Koordinaten. Im Interesse des Ortes sollte von einer Suche unbedingt abgesehen werden!

N 48° 17.964' E 014° 17.322' (WGS84)

 andere Koordinatensysteme
 Größe: klein
Status: gesperrt
 Strecke: 6 km
 Versteckt am: 04. April 2008
 Gelistet seit: 06. Mai 2008
 Letzte Änderung: 29. Dezember 2015
 Listing: https://opencaching.de/OC5A15
Auch gelistet auf: geocaching.com 

2 gefunden
0 nicht gefunden
0 Bemerkungen
1 Wartungslog
1 Beobachter
0 Ignorierer
252 Aufrufe
0 Logbilder
Geokrety-Verlauf
1 Empfehlungen

große Karte

   


Beschreibung   

Jo Bua, sitz di zuwa, und wonnsd a Medal bist, brauchst a ned gschamig sa. Mei, wos soi i da vazöhn... Long is her, das i so jung woar wi dua. Schau ma si die Fotos o.

Jo... do bin i öfter mit deina Oma gwesen. Do hob is a kennaglernt. Samma auf a Eis gonga, zur Donau owi und nojo. I glaub fürn Rest bist ma do nu a weng zjung. Siagst des Heisl mim Staffi-doch? No in wöcham Joahr is do die Fassadn gmocht wordn? Des is scho moi A.

Siagst... do unt. des woa mei Linz. Ma, i woas gor nimma. I moa die Statue gibts nimma, oba ungefähr do steht jetzt a andere. I hoff i teisch mi ned. und won, don sogs ruhig. Ned gschamig sa. I glaub da steht jetzt a Bua. Wonnsd ma sogst, wia dea hoaßt, dann gemma Jausna? Is oba ned je, is ef! Und wö ma olle per du san, reicht ma da vornom.


Ma jo. i glaub mim Fredl homa do die erste tschick graucht. Gspim hob i ned. Oba er. Mir hot scho so fü von sem gspeibarad graust, und von da tschik nu fü mehr. Hommas hoid lossn. So hob i hoid koane Losta. Ob und zua a Schnapsl, owa fü liaba a Glasl Wein oda an Most. A, i bi scho wieda wo ondas. Nojo. damit ma moi fertig werdn heit a nu... do hob i's erste moi graucht. Sog ma s kiazane Wurt von dem wo ondare Leit heit vielleichts erste moi wos ondas mochn. des warad don, hüf ma. I?


Und won dei Oma eikaffa gonga is, bin i hoid öfta beim Wirtn gsessn und hob Koatn gspüt. Und wos steht da jetzt für a Hittn? na... da kummt nix gscheids aussa sog i da. es wird auf jedn Foi moi oa Wort E sa.


Do hot don öwei da Fredl gwohnt. Bis aus dem Häusl a Gschäft gmocht ham. Ma... da Fredl und i. Wir woan hoid zwoa Strawanza. Oba mia san a moi gscheida woan. Jugendsünden hoid. Oba wonnsd nix ostöst, wonnsd jung bist, auf wos soisd di don erinnern wonsd oid bist? Jo schau, die Mami schaut scho wieda so finsta uma. Geh sog einfach wos do jetzt fia a Gschäft drin is. Sonsd griag i koa Möspeis zan Gaffee. (oisdon Anzahl=G)


Und des... wei sowas im Frühling einfoch sche is. und ned weid weg vom Dosal


I woas, es schauts olle nur mehr in eicha guuugl. Wir san hoid nu auf da gugl gsessen. Wir hom kan blechkostn braucht, a ka telefon ghobt. Fernseher hot bei uns neta da burgamasta ghobt. Oba uns is nix ogonga. Scho ondas heid goi. wos dadsd du den gonzn tog ohne dei spüzeig?


o... mei... do woa i in da Kasern. Des woa scho hoat. Oba an Spaß mim Spieß homma öwei ghobt. Mei Lausbuam woan mir. Hot uns a ned gschod. Und die komerodschofd. Nojo, guad won ma sowos ned braucht. Gscheida was, die Fetznschädl von Politika dadn sie söwa den Schädl eischlogn. No wuaschd. Woasd wos da jetzt is? Don dua moi dei Buchstobnzön und nimms B.


Mei Schuizeig hob i domois mit da Maami beim Kirchmoar ghoid. Und a poar Zuckal homma don a griagd. Wos isn do leicht jetzz drin? Woasd du des? Wia gehtsn dia in da Schui? Hosd ned amoi a Zeigniss zum heazoagn? Nojo, die Hundiana die do jetzt drin san, nemma ma ois De.


No... wer steht da glei hinterm Eingang. Kennscht eam? Da samma öfter flaniert, am Sunndo nomitog. Und den nenn ma Heinrich. Stimmt zwoa ned, oba du woasd e wos i man.


Jo früha homma hoid für 10 Schilling leicht a Wurstsömmi und an Soft griag und mim Wechslgöd homma Zuckal a nu kaffn kinna. I woas, dMammi hot öwei gsogd, wie söns Göd hoambringa, oba der homma gsogt es is si grod ausgonga. Mei.. i glaub sie hots genau gwißt wos ma do hom damid. Wos isn do jetzt drinad in dera Bank? (is don Ce) Und do Madl (oda Bua) Dua da des in Spora eini, oba zoags ned deina Mami.

So, jetzt homma long gnua plauscht und Fotos gschaut. Jetzt suach ma si moi a Dosal. Wonnsd di wo ned auskennst, duasd höda Buxstobn zön. Und wonnsd zweng Finga host, don nimmsd die Zechan a dazua

Nimmst 10 moi A. I woas, is fü. griag ma eam oba scho hi. Do duasd don B moi C dazu. und dass stimmat wird, damma a Heinrich a drauf.
Des hängst hinter die 14° dies do in der zugigen Kuchi hot. Wons paßt, duasd da a Punktl einidagin.

So... schau ma den ondan Tö o. Wie doa ma do? Mei des is öwei a gfuchsad, kreizkruzifixlaudaneini numoi, dass woa is. 48 Grad... hmmm... nojo, e plus f und ins zwoa rechnest a dazu. don mochst koa Itüpfi, sondern a komma. Host mi? wos bleibt üwa? D, G, I. I glaub i brauchad fost nu mehra. Na, so gehts a.
Nemma ma des D danhinta stöst des G, und do duasd nu amoi oas dazua. Jetzt föd ma nu irgend wos. A haus valiert nix. und a Hausi scho gor nix. Ned amaoi die Geduid. Wos is? Host du grod Vastond gmeamed? A na, dann nimmst jetzt nu des hoibade I, und dann hoff i dassd a weng an Spaß an da gonzn Gschicht host. Mia hots gfoin. Vielleicht mochst de Sochn am Computa. Gfrein dadd i mi hoid, wonnsd a so a weng ind stod einischaust.
Mir sengan si don beim Cache, wei do wohn i glei danem. Konnst ruhig einaschaun, oleitn oda oruaffa. Bin bis in Hirbschd eh öwei daham. Und an Winta fohr i fuat. A weng in Südn. Zwengs da Gicht gö.

Verschlüsselter Hinweis   Entschlüsseln

Mvryxbbeqvangra rva Fgüpx jrvg jrt

A|B|C|D|E|F|G|H|I|J|K|L|M
N|O|P|Q|R|S|T|U|V|W|X|Y|Z

Hilfreiches

Cache-Empfehlungen von Benutzern, die diesen Geocache empfohlen haben: alle
Suche Caches im Umkreis: alle - suchbare - gleiche Cacheart
Download als Datei: GPX - LOC - KML - OV2 - OVL - TXT
Mit dem Herunterladen dieser Datei akzeptierst du unsere Nutzungsbedingungen und Datenlizenz.

Logeinträge für Großvota oder Was Opa Andi noch wußte    gefunden 2x nicht gefunden 0x Hinweis 0x Wartung 1x

OC-Team gesperrt 29. Dezember 2015 mic@ hat den Geocache gesperrt

Der Benutzeraccount wurde deaktiviert.

gefunden 31. Dezember 2011 maxder2te hat den Geocache gefunden

geh leck, wos fia a kesch, und wos fia a ummadumsuacharei.....
de gschicht do ho i ma jo scho a poa moi ongschaut, owa den biss des a wirkli zun aussasuacha ho i nia so recht ghobt; heia an mai ho i mi denn endli dahintergsitzt und a gonze nocht mitn doktor guugl erdn und mit den wos i so vo linz an hirn drin ho prowiad, dass i oisse find. bis auf zwoa hausbesuche hod si a oisse noch und noch finden lossn. de hausbesuche hom si donn wieder monatelong zogn, bis da S_J donn amoi mitgonga is und mia de letzten zwoa sochn aussagfundn hom. de koordinaten ausrechna woa dann nimma tragisch, da tschecka hod a gmoant i bi ned so schlecht dabei - und heid, am S_J seim burzltog hom ma donn endli de dosn a bsuacht; muas scho sogn, der ort is wirkling sorgfötig ausgsuacht :-)
dongsche fias doserl und dongsche fia de kopfnuss, hob mei oide liab zu oide buidl wieder gfundn und mia vor weihnochtn a poa biachln zuaglegt, wo ma a a poa vo de buidl drin findn konn.

gefunden Empfohlen 10. April 2008 zusserer hat den Geocache gefunden

jo schau di o - do bin i do glott easchta! zumindast in dom forum do. no des gfreit mi jo extra nu amoi!

ois ondare hob i eh scho in dem ondan log gschriem - lestsas eng duatat duach, wonns woiz.

nua oas muss i scho no sogn: dea cäsch do is oane vun de bestn iwahaupt! ealich! hod ma taugt!

... sogt da zussara, dea oide grantscheam.