"Jorinde und Joringel" oder "Liebe im Wald"

• 79 * 16:35

Heide schdand ma widdor ne Dour mid Luzi im allseids beliebdn Middlsagsn an Diesma schdießn mir in völlich neue Schaachdgebiede vor - GERINGSWALDE
Da gab es reichlich zu dun un mir Beede konndn hior in der Geeschnd aus den Volln schöbbn, da mir Beede noch nich groß - gor ne hior unnorweeschs warn. Es wurde also enn langor, orlebnisreiscor un seeeeehr ausgefülldor Dooch/Nachd

Nach unsror Gleddoragdschon im nahegeleeschnen Wald wandn mir uns neun Offgaam, bzw. Deiln des Waldes zu, denn in un um Geringswalde gab's fier uns schah scheede Menge zu dun. Gebargd, wie befohln un schon ging es ab in dn Wadl. Anfangs bummldn mir noch off den Schburn vom Märchngäsch, abor hior mussdn mir schonma nen kleen Abschdeschor machn, denn wie offd grischd mor nen Bonus noch vor Fund der Haudgäschdose offn Silbordabledd zugeschoom

Drinniedeil: Eeschndlich ungeweehnlich, daß mor fier nen Bonus im Vorfeld och noch Rädsl lösn muss Hadde ich abor gor ne so offn Schirm, denn die heidsche Runde hadde luzi ausgeorbeed. So nahm ich die geschengde Lösung gerne an un schmarodzde mich durch. Nur vorm Loggn habsch mor allordings schon noch das Rädsl zu Gemiede gefiehrd. war doch och eeschndlich gor ne so schwer, mor mussd eem nur ma de Brille zuraachd riggn

Draußiedeil: Luzis ormiddlde Goordinadn fiehrdn uns zu nem sehr schiggn Boor Nee du, was Muddor Nadur so alles zu Schdande bringn dud Wenn mor's gewolld hädd, unnor Menschnhad wär's ne so scheen gewagsn. Un Resbegd an de grasse Herde, wie se diese Gewägse so offgeschdöbord hamm Es wurde uns off scheedn Fall enn dolles Exemblar von Boomliebe gezeischd - sehr schmugg!
Luzi ließ sich ne so lange von dem Anbligg fessln un begann, ohne das ich mich hädd anbiedn könn, soford den Offschdiesch. Ogee, och ich muss zugeem, dasse dabei nen sehr eignwillichn Sdil bräsendiorde, abor was will ich hior Haldungsnodn verdeil, wo ich doch wedor was zum Lösn des Rädsls noch zum Bergn der Bixx beigedraahn hab Na doch, eewas habsch dann doch beigeschdeuord: das Abzeichnen un Schdembln des Gäsdebuches

Besdn Dank, liebe krasse Herde, fier's Leeschn un Pfleeschn der Bixx an wirglich wundorvollm Boomarrangschemong un fier's vorzeidsche Einschdreun ennes Zusadzschmankerls. Mir hamm die Runde, ihre Bonüsse un den Wald sehr genossn.
Liem Gruß ausm fern Rußkams!