N50°50.876 E12°54.685

War heute am Final und habe den Cache tatsächlich nicht mehr aufgefunden. Die alte Birke hat sich mehr oder weniger in ihre Bestandteile aufgelöst. Muss was Neues besorgen und neu verstecken. Bis dahin bitte ich um Geduld.

VG Digitals

Wartung beendet, Cache kann wieder gesucht werden!

4.7.19: Achtung: Cache befindet sich in Wartung und kann momentan nicht gesucht werden.

Ein schöner cache! Heute suchten wir- 30 geocacher vom Kaschmir den cache und hatten viel Spaß dabei.

Leider ist er in keinem guten Zustand: Wahrscheinlich waren Beutel und Büchse auf: nass und das Logbuch stark angefressen. Hier sollte dringend Abhilfe geschaffen werden.

Aber Danke für den schönen Weg durch den Stadtwald.

Heid zum Freididsch is eeschndlich kee Gäschn, doch mid meim Bürogwadsch war ich schnellor durch, als gedachd un de Eekäufe laachn och schon im Giehlschrank. Somid konnde am Nachmiddsch doch noch das scheene Weddor genudzd wern un bissl frische Lufd gedangd wern. Dazu holde ich mir Fonzi dazu, der och unbedingd ma naus mussde.

Sdäidsch 1: Hior zeischde es sich widdorma - wer lesn kann, is gloor im Vordeil Zumindesd deilweise. Denn durch mei ieborflieschn grischde ich A ne die kleengedruggde Goordinade mid, die in mein Oochn schah enn Umweesch off der Runde is, abor och B ne, daß die Gübl schah ne mehr schdehn, dem abor ne Info im Lisding hinnorleeschd is. So draadn mir erschdema bedebbord rum un ich sah den Schbaziorgang schon in sein Anfäng scheidorn Bis ich dann doch ma das Kleengedruggde las un nich nur ieborflooch. Na ei gugge, so eefach kann Wariablengewinnung sein

Sdäidsch 2: Bis hiorher ieborschluuch ich ma an hand der ndfernung zwischn diesn beedn Schdadschon, wie weid das mid 11 Schdadschon durschn Güschwald gehn könnde, bei gleibleibndn Endfernung zwischn den Schdadschon. schnell war gloor, daß da dor Güschwald villei zu kleen sein könnd Abor mir guggn ma. Vor Ord war die Info schnell un schon aus dor Ferne ausgemachd un es konnd abseids des Geschehns die nägsde Goordinade beraachned wern.

Sdäidsch 3:  Na un hior mergde mor s erschdema risch den Unnorschied zum Wald un Wiesngäschn - mor is ne orleene un muss sich Schdadschonsschaublädze och mid Muggl deiln So grischdn die Schuuchndlichn greischnd weibor unsre Infooffnahme zwar gor ne risch geraffd, abor warn drodzdem ne aggusdische Beläsdschung während der Brozdur des Zählns. Geraachned wurde dann in edwas ruhschoren Verhäldnissn. Un die Runde nahm ne unorwordede Wende...

Sdäidsch 4: Das mid der Zwischnschdadschon hab ich so risch ne verschdandn, kommd mor doch zwangsweise dordn vorbei??? Mir hamm se abor drodzdem ma mid ausgeraachned - s hädd schah och was Wischdsches sein könn... An dor viordn Schdadschon schdebbde dann abor ma risch dor Bär. Zu zweed ma noch auszuhaldn un als Pärschn war mor an diesor Logäischn wo och weid unofffällischor, als hädde Fonzi diese schdadschon orleene absolwiord, abor doof is das hior ohne Bseudokind schon So zähldn mir also so weid wie meeschlich von Weidn, abor mor will schah och keen fehlor machn un nüschd ieborsehn Da warn mir froh, daß uns wengsdns eene Zähliebung abgenomm wurde. Die nägsde Schdadschon wurde dann widdor in angebassdor Endfernung vorgenomm.

Sdäidsch 5: Hm, hior ging "Zähln aus dor Ferne" schlaachd, das Bodenzschal zu VERzähln war eefach zu groß. da bassde es grad, daß das Vergehrsoffkomm ieborschaubor war. Von Eldorn mid Kinnorn wirsde nadierlich gridisch angeguggd,wenn so nah an odor sogor off dn Schien danzd beim Zähln Deshalb och widdor erschd in einischor Endfernung geraachned, nach fixor Infooffnahme un dann... gewunnord, daß der Boochn weidor geschlaahn wird.

Sdäidsch 6: An diesor Schdadschon sedzde es ma enn ganzes Schdigg längor bei uns aus Zum een kanndn mir die Firma "Hydrotec" ne un haddn somid keene Ahnung, wonach mir eeschndlich Ausschau haldn. Es keimde dann zwar ma ne Idee, nur leidor gab die logäischn so nen Infogebor ne her. Als mir schon offgeem wolldn un annahmndn, daßes diese Info och schon nich mehr gibd, im Lisding nur noch ne mid nor Hilfeschdellung hinnorleeschd is, schdolborde ich förmlich iebor das Gesuchde Na ei, eeschndlich ganz offällich, abor wenn de eem ne weeßd, wonach de suchsd... So konnde es doch noch weidor gehn un weidorhin in völlich unvermudede Richdung. Off dor Gorde sah es eeschndlich schon so aus, als müssde nu glei s Feinl komm, denn mir warn doch nu anscheind schon eema rum

Sdäidsch 7: Ornee, wenn mor sowas ehor gewussd hädd Naja, de Leid wern sich hoffndlich ne wunnorn, wenn se uns schon widdor sehn... Un diesma mussd mir och widdor n Schdiggl nähor rann, da de Obdig mid em genaun sehn off ne angemessne Endfernung schon versaachd Da half nur Indresse an der Logäischn zu heuchln, schnell zähln un fraachnde Bligge zu ignoriorn. Als alles regisdriord war, schdiebdn mir och schon davon. Bei diesor Hegdig un Eile unnorlief mir noch enn Fehlor, der sich zwar off die nägsde Goordinadnberaachnung noch ne groß auswirgde, abor uns schon bei der nägsdn das Genigge zu brechn drohde

Sdäidsch 8: Oha, das is also enn brummndor Jürgen Na wenn mir uns alles dabei gedachd hamm, abor sowas... Nu fiel uns die wariablenormiddlung och widdor weeschndor veraldedn Obdig un dem reichlichn Geschmiere ne ganz leichd, gelang abor ledzdlich. Was mir dann allordings mid den nägsdn ormiddldn Goordinadn rausgrischdn... Schoggschwerenod, och noch raus ausm Güschwald? So haddn mir abor ne gewedded Da konnde doch was ne schdimm? Abor es dauorde, bis der Fehlor endlich gefundn war, zuma mir anfangs ne davon ausgingndn, daß der Fehlor schon längor midgeschleifd war Nach nor grfiehldn Ewichkeed haddn mir's dann. Nich nur die rischn Goordinadn, sonnorn widdorma die Orkenndnis: "wer lesn kann, is gloor im Vordeil" un mor sälld eem och immor off dor rischn Zeile bleim

Sdäidsch 9: Hior wolld ich den Informadschonsgebor erschd gor ne risch fier voll nemm, abor Fonzi machde mich dann ma off den eenzschn Masd am Bladz offmergsam. Schon ganz scheen zugewagsn (zumindesd fier mein blindes Ooche ). Um ne widdor was falsch zu machn un am Ende noch Schläsche von Fonzi zu gassiorn, groch ich och liebor noch ins Gebüsch, um och ja keene Schdiesche zu ieborsehn. Mid dem gewonnen Werd war die nägsde Goordinade gloor un mir wunnordn uns abormals iebor die Weeschfiehrung...

Sdäidsch 10: Hior ging ma alles schnell un ungombliziord un so langsam kam man in weenschor ieborranndes Derredorium des Güschwaldes.

Sdäidsch 11: aaaah, die Schdadschon gefälld doch glei Im Anfluuch die Info abgefassd un dann erschdema Bause gemachd. Dabei fiel dann das Gebäude geeschniebor ins Bliggfeld un es mussde erschdema geglärd wern, was das eeschndlich is. Sah ich zum erschdn ma, da ich bisher wo in diesor Ack des Bargs nie war - wussd ich schah gor ne, daßes hior sowas gibd Widdor was dazugelernd Nu ging es an die finalraachnung, die uns ma risch was abverlangde Abor ledzdlich sah die Logäischn off dor Gorde nach "Wolfsdool" aus  un mir marschiordn los.

Feinl:  Na gugg, is schah wirglich müsdisch hior un och keene Menschnseele scheind sich herzuverirrn (nichma der Wolf ). So konndn mir ungeschdörd suchn... un suchn... un suchn... Erschd zweiflde ich an den Goordinadn... dann an dor Dechnig... dann an der Dose. Nach exdremausdehnung des Suchradiuses, mehrfachor Nachsuche an anscheind immor een un den selm Ordn, wolldn mir die ganze Runde schon ohne Erfolch abschließn. Ich meen, daß is bei OC_Dosn nüschd neues, daß die eem ledzdlich ne da sinn, da seldn besuchd un seldn gewarded - is eem nich so, wie off annorn Bladdform Un Deile der schdadschon war schah och schon nich mehr da (wobei da schah im Lisding ordndlich Abhilfe geschaffn wurde). Abor hior gaam mir langsam die Hoffnung off. Beim Abmarsch wählde ich drodzdem nochma die drümschde Seide der Schluchd un war fier meine Begriffe schon ordndlich ab von den Goordinadn, da fiel mir doch noch was ins Ooche, was ich eeschndlich ignoruorn wolld, da Fonzi schonma so weid off Abweeschn war, och hior, un keen Orfolch vermelded hadde. abor ich gab dem Schdeen doch nen Schubs un der offnborde dann doch noch die Ieborresde ennor Dose olla, na da hadde der Wolf abor düschdsche Beisschburn hinnorlassn - den had wo scheemand vergessn zu füddorn   Die Blasdedüde drumrum war nichma mehr Zierde, das Logbuch och zur Hälfde verdilgd, dafier abor noch orschdaunlich droggn. Enn Eidraach im Gäsdebuch war somid noch grum un schief ums neigefressne Loch meeschlich, abor villei sälldn die Ounor ma widdor den Wolf füddorn gehn un die Bixx offhübschn (is middlorweile schon bassiord - also ne glei offgereeschd losschderzn, liebe Ounor )

Ich geb zu, se war hior un da n bissl gnifflich, die Runde, besonnorsch, wenn mor des Lesns ne mächdich is , abor an sich indressand durch den Güschwald gefiehrd. Fier mein Geschmagg zu viele Menschn off zu wenich Grienfläche, abor fier nen Schdadtgäsch schon ne schlaachd. S war off scheedn Fall enn sehr angenehmor Anlass ma noch n bissl rauszukomm. och wenn mir an der een odor annren Schdelle düschdsch gegaud un gefluchd hamm, war abor ledzdlich doch immor unsor eischnes Verschuldn

Damid liem Dank fier's Leeschn un Pfleeschn der Runde un der Dose un liem Gruß vom geeschnieborlieschndn Berch