#3240# 11:07

Heide war Luzi un ich mid H.E.R.A. in sein heimischn Gefildn verabreded. Da hadde sich wo widdor einiches angesammld, wassor ne orleene angehn wolld - im Diem is Gäschn doch immor scheenor
So zooch es uns ma widdor gen Hordhe un Umgebung...

Nu haddn mir den fein Herrn eigesaggd un dobdn Richdung "krasse Herde"-Hoheedsgebied. Fier H.E.R.A. war hior enn Bonus nachgeburzld - fier uns laach völlich neues Derridorium vor uns un damid Unmeng an Dosn
Bevor mir die Gönigin besuchdn, schdolbordn mir noch an diesm Schdeenbruch vorbei. Mein Gott, hamm mir immor noch ne alle gesehn? Schon als ich die T-Werdung sah, schwande mir Furchdbores. Die grasse Herde had da doch immor annre Reladschon als ich Mir wird schon bei nor T3 von dene schlaachd, iebor ne T4,5 wolld ich gor ne nachdengn un schluuch eeschndlich schon Gleddorgeraffl vor. H.E.R.A. wingde ab... Na wenn mor nen genauso Gabuddn mid hamm, wern mor's schon zur Dose schaffn Ich versuchde so lange wie meeschlich Schridd zu haldn, gab abor edwa drei Medor vor Ziel off. wie gesaachd, ich grisch schon bei T3 Schweißausbrüche Luzi hechdede noch weidor dn hang mid noff, war abor in falsche Richdung unnorweeschs. H.E.R.A. konnd sich zwar ne mehr genau orinnorn, wo die Bixx laach, war dann abor derjeensche, der die Bixx in Händn hield. Ne Gadasdrofe - ich wär ehor geschdorm, als ohne Seil dordn hin. Abor zum Eibau des Selbn hädsch hior och keene Ide...
Ach wenn mir unsren H.E.R.A. ne häddn - Reddor der Schdund ... dann hädde Luzi den halsbreschorischn Abschdeschor lings am Felsn noff machn müssn So kamndn mir abor noch mid heilor Huad davon un unsre Schdembl ins Gäsdebuch.
nur riggzu zum Weesch orwischde es Luzi dann doch, eeschndlich off völlich ungefährlichn derräng - de Hexe schossor ins Greuz Sa, das war's - mir könn hämfohrn Gottseidank schlebb ich immor alles an Schmerzmiddln, was mor mehr odor weenschor legal grischn kann mid mir rum Das reddede nochma den Dooch

Besdn Dank, liebe krasse Herde, fier's Leeschn un Pfleeschn ennor weidren Schdeenbruch-Bixx. Also ich find, eure Gleddorausflüsche wern immor risgandor. So wie diese hior grischd mor die doch wirglich nur noch signiord, wenn mor wie die Hießschn hior, Saugnäbfe an dn Exdremidädn had Ich kann bloß hoffn, daß mir mid den Schdeenbrüchn bald durch sinn un ich das och ieborlebn du - ihr seid nochma mei frühor Dod...
Liem Gruß ausm fern Rußkams!