? 1051 ? 11:02 - 12:08

Heide war Luzi un ich mid H.E.R.A. in sein heimischn Gefildn verabreded. Da hadde sich wo widdor einiches angesammld, wassor ne orleene angehn wolld - im Diem is Gäschn doch immor scheenor
So zooch es uns ma widdor gen Hordhe un Umgebung...

Nu haddn mir den fein Herrn eigesaggd un dobdn Richdung "krasse Herde"-Hoheedsgebied. Fier H.E.R.A. war hior enn Bonus nachgeburzld - fier uns laach völlich neues Derridorium vor uns un damid Unmeng an Dosn
Un weil H.e.R.A. n Gumbl is, begleidede er uns glei off der gombleddn Runde.

Drinniedeil: Fier mich wär das Rädsl an sich enn glassisches D5-deil gewesn. abor fier derlei Offgaam hb ich meine Schbezialgonegdschns - meine freundin Schdeff, von Beruf Giebordlehrorin Die brauchde keene bfümbf Minudn, um mir die Lösung zu zwidschorn. Der Resd ließ sich dann leichd via Guugl herausfindn un K würde sich vor Ord schon orgeem. abor ich war schonma besdns vorbereided

Draußiedeil:

Sdäidsch 1: Wirglich, gor ne fern der Barggoordinadn fand sich enn Briggl, somid war K schnell ormiddld un die erschde Goordinade konnde orraachned wern

Sdäidsch 2: Erschd versuchdn uns die grasse Herde noch in ihrm nahn Schdeenbruch umzubring, wobei mir ihn abor enn Schnibschn schluuchn Off gewohnd grass unweeschsam "Weeschn" ging es dann zur beraachnedn Goordinade. da hadde Luzi schonma ihre liebe Miehe, denn die Schmerzmiddl von ihror Hexnaddage wirgdn noch nich. Da dachde mor schon s schdirbd ne nur de Gönigin Abor se schaffde es mid mir zam bis zum erschdn indressandn Flaggl Ei, was die grasse Herde hior widdor offgedan had Zu solschn Ordn fiehrn wirglich keene Weesche hin Lässd och vermudn, daß die Herdnmidgliedor ne grasse Fobie vor Weeschn odor annähorn Ähnlichm hamm - wie finded man sonsd solsche Logäischns?
H.E.R.A. war undn off dem Weeschähnlichm gebliem un konnd somid och ne helfn. Mir warn off uns orleene geschdelld, was mir abor gud meisdordn. Es fand sich schnell der Weesch in die Geschichde. Schmugg zamgeschbonn - hior orbeed scheemand mid Fandasie

*Sdäidsch 3: Der Weesch dahin war weidor, als gedachd, besonnorsch mid nor hudschndn Luzi im Schlebbdau, die sich iebor asfaldiordn Unnorgrund sischor grad riesich gefreed hädde, abor das Leem is kee Wunschgonzerd. So blieb ausreichnd Zeid, die scheinbor unberührde Nadur un die Eesamkeed zu genießn. Abor nach nor Weile orreichdn mir och die nägsde eemfalls indressande Logäischn. Die Fraache, was das an S2 un hior ma war, lohnd sich wahrscheinlich ne un gliedorde sich abor wunnorbor in die Geschichde ei. H.E.R.A. verdiefde sich gerade in nem Delefonad, also blib die Suche widdor an uns häng Abor erschdema ne kleene Orgundungsdour. Diese war zwar indressand, verlief abor ohne Dosnfund - also nochma die Geschichde un Hinweise von der vorangegangnen Schdadschon dscheggn (wadd gud, daß mir immor alles fododogumendiorn ) Oha, nu war gloor, wo zu suchn is un das Verschdegg war widdorma sooooo Herdndübisch geleeschd... Nu konnd ich schah nema Luzi zu der halsbreschorischn Agdschon vorschiem un H.E.R.A. war immor noch mid seim Delefon beschäffdschd Na gud, um die Nummor konndsch mich ne drüggn un war schah eeschndlich och gor ne soooo schlimm, zumindesd im Vergleich zu manschm Schdeenbruch So konnd ich och ma meine nüdzliche Seide zeischn un das ich zu mehr dooch, als nur als Schreiborling Die Sdorie wurde zwar immor draurischor, abor war scheen ordachd un diesma mussdn mir och gor ne ganz so weid

Sdäidsch 4: H.E.R.A. wolld uns erschd nach sein Orinnrung lodsn un orzählde uns wilde Geschichdn von sein damalichn Orlebnissn off diesor Runde. Dabei wärn mir fasd noch fehlgeloofn, wenn die immor noch grudschnde Luzi ne immor enn wachsames Ooche offs DschieBieEs gehabd hädde - se ieborleeschd sich eem grad scheedn Schridd genau un ja ne zu viel, abor die Schmerzbilln wern sischor glei anschlaahn.
Vor Ord wunnorde sich H.E.R.A. - irschndwie hadde er die Logäischn annorsch in Orinnrung. Fier uns sah das abor sowas von nach "Damm" aus... Also wengsdns mir un die Goordinadn warn von der Rischkeed unsror Anwesnheed ieborzeuschd. Es mussde och gor ne lange gesuchd wern un mir haddn die Fordsedzung der Geschichde in dor Hand un lasn geschbannd. Un gerade als mor dengn dud, s kann ne schlimmor komm * schonma-Daschnduch-zügg *

Feinl: Un weidor ging es iebor Schdogg un Schdeen, doch langsam wurde Luzi och widdor beweglischor. Was bei dem Derräng och von Vordeil war - wie schon gesaachd: ne herdndübische grasse Weeschfiehrung Schon von weidm orschbähdn mir die gönigliche Behausung. War schah eeschndlich och gloor, wo die Geschichde nur endn kann, abor mid sowas Raffiniordn un echd Bassndn haddn mir nu wirglich ne geraachned. Da bassd die Geschichde echd wie die Fausd offs Ooche Wie finded mor nur sowas? Gurzzeidsch war die geschichde allordings vergessn un es ging erneud off Orgundungddour. Wirglich, wie eefach un ganz blödzlich verlassn un alles schdehn un lieschn gelassn Is hior der Besidzor abgehaun, weil das Volg geschdorm is odor is das Volg geschdorm, weil der Besidzor blödzlich ne mehr widdor kam (och geschdorm??? ). Fraachn iebor Fraachn dürmdn sich off un zerrdn uns damid nur noch diefor in die Sdorie * schnief * Kommd, schnell, Dose suchn, sonsd fang ich wirglich glei noch an mid heuln * schnief *
Abor wie war das noch glei??? Säif? Wo nochma Good nachlesn? Ach dordn. also hin un gedüfdld. Ogee, welches Dürschn sich öffnen muss, wiss mor izze. Abor wo is das Wergzeuch? Ich selbor hadde nen Hängor un mir fiel schbondan der Verschdeggord wedor ei noch off, abor Luzis Hirn war von den Schmerzmiddln offnsichdlich noch ne dodal bedäubd, denn ihr schoss diesma ne soford de Hexe, sonnord die rische Idee. Mensch du, da had scheemand offgebassd un mir verbranndn uns och ne de Fingor. Mor könnd och saahn: hior is dor Ofn schon lange aus
So ausgerüsded verschaffdn mir uns nu Zugang zum Säif un konndn neem dem Schdemblabdrugg im göniglichn Gäsdebuch och noch die neue Bonusinfo orgaddorn. daroff war besonnorsch H.E.R.A. scharf Mir schaudn och noch nach dem vernachlässichdn Volg, konndn abor keen Midglied mehr widdorbeleem Is eeschndlich enn echd draurischor Ord Also wie een so ne Geschichde so in dn Bann ziehn kann Wenn se nich so draurich wär... Gwasi zum Heuln scheen
Deshalb gibbed von mir fier die dolln Logäischns, die schbidze ordachde Geschichde un das hior alles so scheen zam gebassd had, den blaun Verdiensdordn. Machd das Volg der Gönigin ne widdor lebendsch, abor is wohlverdiend. Ne Geschichde, die mor echd weidorembfehln kann! Un och endlich ma ne so halsbreschorisch, wie die annren Agdschon der grassn Herde

Besdn Dank, liebe krasse Herde, fier's Leeschn un Pfleeschn der gombleddn Runde un Dose, fier's die Auswahl der Logäischns un fier's Herfiehrn, fier die dolle Wandrung durch herrlichsde Nadur (abor das is mor in diesor Ack eeschndlich och gor ne annorsch geweehnd ) Un fier die schdimmiche Geschichde! Un was soll ich saahn: nich nur die Gönigin lebd noch - ich hab och widdor nen Gäsch von euch ieborlebd
Un nu noch auf zum Bonus!
Liem Gruß ausm fern Rußkams!